Изречения святых отцов:

Надлежало бы более трудности находить в том, чтобы судить людей, нежели в том, чтобы смотреть на них просто, как смотрят на колеблемые ветром дерева или на текущую реку; но, видно, и в том есть трудность, чтобы не судить. Что же делать? Надобно учиться постепенно, сперва осуждать себя за осуждение ближних, потом удерживаться от осуждения словом, когда мысль на то подвигнется, далее удерживать самую мысль. Кто довольно знает и судит себя, тому недосужно судить других.

— Свт. Филарет Московский
  YouTube-logo-full_color   IMG_1116   телеграмм

Часы свя­той Пас­хи

Хри­сто́с вос­кре́­се из ме́ртвых, сме́ртию смерть попра́в, и су́щим во гробе́х живо́т дарова́в. (Трижды.)

Глас 6-й

Вос­кре­се́­ние Хри­сто́во ви́девше, поклони́мся Свя­то́му Го́с­по­ду Ии­су́­су, еди́ному безгре́шному. Кре­сту́ Твоему́ покланя́емся, Хри­сте́, и свя­то́е Вос­кре­се́­ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те, вси ве́рнии, поклони́мся свя­то́му Хри­сто́ву Вос­кре­се́­нию: се бо прии́де Кре­сто́м ра́дость всему́ ми́ру. Всегда́ бла­гословя́ще Го́с­по­да, пое́м Вос­кре­се́­ние Его́: распя́тие бо претерпе́в, сме́ртию смерть разруши́. (Трижды.)

Ипакои́, глас 4-й

Предвари́вшия у́тро я́же о Мари́и, и обре́тшия ка́мень отвале́н от гро́ба, слы́шаху от А́н­ге­ла: во све́те присносу́щнем Су́щаго с ме́ртвыми что и́щете, я́ко челове́ка? Ви́дите гро́бныя пелены́, тецы́те и ми́ру пропове́дите, я́ко воста́ Гос­по́дь, умертви́вый смерть, я́ко есть Сын Бо́­га, спа­са́ющаго род челове́ческий.

Кондак, глас 8-й

А́ще и во гроб снизше́л еси́, Безсме́ртне, но а́дову разруши́л еси́ си́лу, и вос­кре́сл еси́ я́ко Победи́тель, Хри­сте́ Бо́­же, жена́м мироно́сицам веща́вый: ра́дуйтеся! и Твои́м апо́­сто­лом мир да́руяй, па́дшим подая́й вос­кре­се́­ние.

И тропари

Во гро́бе пло́тски, во а́де же с душе́ю я́ко Бог, в раи́ же с разбо́йником, и на Пре­сто́ле был еси́, Хри­сте́, со От­це́м и Ду́­хом, вся исполня́яй, Неопи́санный.

Сла́ва От­цу́, и Сы́­ну, и Свя­то́­му Ду́­ху.

Я́ко живоно́сец, я́ко рая́ красне́йший, вои́стинну и черто́га вся́каго ца́рскаго показа́ся светле́йший, Хри­сте́, гроб Твой, исто́чник на́шего вос­кре­се́­ния.

И ны́не и при́сно, и во ве́ки веко́в. Ами́нь.

Вы́шняго освя­ще́нное Бо­же́­ст­венное селе́ние, ра́дуйся. Тобо́ю бо даде́ся ра́дость, Бо­го­ро́­ди­це, зову́щим: бла­гослове́на Ты в жена́х еси́, всенепоро́чная Вла­ды́­чи­це.

Го́споди, поми́луй. (40 раз.)

Сла́ва От­цу́, и Сы́­ну, и Свя­то́­му Ду́­ху, и ны́не и при́сно, и во ве́ки веко́в. Ами́нь.

Че­ст­не́йшую Херуви́м, и сла́внейшую без сравне́ния Серафи́м, без истле́ния Бо́­га Сло́ва ро́ждшую, су́щую Бо­го­ро́­ди­цу Тя велича́ем.

Мо­ли́т­вами свя­ты́х оте́ц на́ших, Го́с­по­ди Ии­су́­се Хри­сте́, Бо́­же наш, поми́луй нас. Ами́нь.

Хри­сто́с вос­кре́­се из ме́ртвых, сме́ртию смерть попра́в, и су́щим во гробе́х живо́т дарова́в. (Трижды.)

Сла́ва От­цу́, и Сы́­ну, и Свя­то́­му Ду́­ху, и ны́не и при́сно, и во ве́ки веко́в. Ами́нь.

Го́споди, поми́луй. (Трижды.)

Го́споди Ии­су́­се Хри­сте́, Сы́­не Бо́­жий, мо­ли́т­в ра́ди Пре­чи́с­тыя Твоея́ Ма́­те­ре, пре­по­до́б­ных и бо­гоно́сных оте́ц на́ших, и всех свя­ты́х, поми́луй нас. Ами́нь.

  • Александр

    Спасибо за молитвослов.С годами стал хуже видеть и печатный в книге молитвослов использовать стало тяжело.Ваш электронный использую на планшете, в самый раз. Пользуюсь постоянно уже под года. Спасибо разработчикам.

Оставить отзыв